जिन्दगीको एउटा यस्तो मोड आउँदो रहेछ, जहाँ मानिसलाई अरुको मूल्याङ्कन र टिप्पणीले खासै असर पार्न छाड्छ। सानो छँदा अरुलाई खुसी पार्न र उनीहरुको नजरमा असल बन्न अनेक प्रयत्न गरिन्थ्यो। तर समय बित्दै जाँदा एउटा अमूल्य सत्यबोध भयो— जिन्दगी अरुका लागि होइन, आफ्ना लागि जिउने हो।
आज म जहाँ छु, जस्तो छु, आफ्नो मेहनत र सोचमा पूर्ण रूपमा सन्तुष्ट छु। जब तपाईं आफ्नो गोरेटोमा स्पष्ट हुनुहुन्छ, तब अरुले के भनिरहेका छन् भन्ने कुराले कुनै अर्थ राख्दैन। समाजमा दुई थरी मानिसहरू भेटिन्छन्— एकथरी जसले तपाईंको सफलता देखेर **'आहा'** भन्छन्, र अर्काथरी जसले भित्रभित्रै **'डाह'** गर्छन्।
कसैले प्रशंसा गर्दा खुसीले मात्तिनु र कसैले आलोचना गर्दा दुःखी भएर आत्तिनु दुवै कमजोरी हुन्। जसले तपाईंको प्रगति देखेर प्रशंसा गर्छन्, उनीहरूलाई धन्यवाद! उनीहरूको शुभेच्छाहरूले अघि बढ्ने हौसला दिन्छ। अनि जसले डाह गर्छन्, उनीहरूलाई झन् धेरै शुभकामना! किनकि तपाईं उनीहरू भन्दा अगाडि हुनुहुन्छ भन्ने कुराको प्रमाण उनीहरूको डाह नै हो।
त्यसैले, म आफ्नो संसारमा मस्त छु। कसैको 'आहा' ले मलाई महान् बनाउँदैन र कसैको 'डाह' ले मलाई कमजोर बनाउँदैन। आफ्नो सपना पछ्याउनुस्, आफ्नै धुनमा रमाउनुस्, र अरुको प्रतिक्रियालाई दिमागमा होइन, हावामा उडाइदिनुस्।
